Meri Abhi Ki Kahani 2021 mein main crypto mein ek sapna lekar aaya tha—socha tha mehnat karke apni aur apne parivaar ki zindagi badalunga. Phir meri mulaqat eCash (XEC) se hui. Dheere-dheere eCash community se jud gaya aur Hindi translator ke roop mein kaam karne laga. Crypto mein mujhe bada nuksaan bhi hua, lagbhag ₹7 lakh. Sach bolun to bahut bura waqt tha. Lekin maine haar nahi maani. Abhi bhi paison ki dikkat hai, lekin main laga hua hoon—seekh raha hoon, likh raha hoon, translate kar raha hoon aur community mein apna yogdaan de raha hoon. Aur ab ek naya challenge bhi chalu kiya hai—roz 100 push-ups. 😄 Ye sirf body banane ke liye nahi hai. Bas khud ko discipline mein rakhna hai aur roz apne aap ko yaad dilana hai ki chahe haalat jaise bhi hon, rukna nahi hai. Abhi manzil door hai, par safar jaari hai. ❤️